السلام عليكم ورحمة الله وبركاته
فديتكم شحالكم هالمره طبقت وجبة للعشا من الغاليه انفاسـﮱگ دخـﮱون
طبعا هي سوتها باللحم بس انا طبقتها بالدياي
كان اخوي وزوجته يايين بيتنا من بوظبي وعاد بالشهر نشوفهم مره
وهم متبعين دايت ف قلت خلني اسويلهم عيش بالليل وياكلون ويخترب الدايت تبعهم^^
المهم حبايبي اترككم مع الوصفه
طعم ولا اروع والتجربه خير برهان
المقادير:
عيش >>> ع حسب الاشخاص
ديايه مقطعه ومسلوقه مع اعواد القرفة والمسمار والهيل وبصل وبهارات متنوعه وانا ضفت مكعب ماجي
بطاطس مقطع مكعبات
بصل مفروم
ثوم مهروس>> انا ما هرسته وايد
زنجبيل مفروم
مسمار
مكعب ماجي
بهارات
نص فنيان ماي ورد فيه زعفران
صلصل
زيت زيتون
فحمة
الطريقه:
طبعا نجهز العيش بالطريقه العادية المعروفه ..
لحد يجهز العيش .. نقلي البطاطس ونخليه ع جنب
![]("http://www.3roos.com/files/ups/2012/418178/91385441854.jpg")
![]("http://www.3roos.com/files/ups/2012/418178/91385442280.jpg")
نحمس البصل بالزيت
![]("http://www.3roos.com/files/ups/2012/418178/01385442162.jpg")
ونضيف الثوم والزنجبيل والماجي وشوي مسمار ونخلط .. ونضيف البطاطس بس نحرك شوي شوي حتى لا ينهرس البطاطس
نضيف البهارات المتنوعه ونخليه ينضج ونحطه ع جنب
![]("http://www.3roos.com/files/ups/2012/418178/91385442369.jpg")
بعد ما يجهز العيش .. نسوي طبقات
نحط طبقة عيش وطبقة من خلطة البصل وهكذا
![]("http://www.3roos.com/files/ups/2012/418178/91385442481.jpg")
لحد تكون اخر طبقة عيش
ونصب ماي الورد والزعفران ونغطي القدر شوي
![]("http://www.3roos.com/files/ups/2012/418178/91385442423.jpg")
![]("http://www.3roos.com/files/ups/2012/418178/91385442536.jpg")
عقب نجهز فحمه مولعه ونضيف لها زيت زيتون شوي ونحطها ف القدر ونغطيه شوي
![]("http://www.3roos.com/files/ups/2012/418178/91385442595.jpg")
انا غطيته شوي لاني ما حبيت الريحه تكون قويه
احين نجهز خلطة الدياي اللي هي صلصل وثوم مهروس شوي وزيت زيتون وبهارات ونخلطهم ونفركهم بالدياي
![]("http://www.3roos.com/files/ups/2012/418178/01385359656.jpg")
>>> انا سويت الخلطه ثقيله شوي لان اخواني يحبون الدياي ياااابس^^
![]("http://www.3roos.com/files/ups/2012/418178/01385441081.jpg")
ندخل الدياي الفرن لحد يحمر
بكذا خلص العشا اللذيذ وهذا شكله النهائي
![]("http://www.3roos.com/files/ups/2012/418178/91385442644.jpg")
طبعا سامحوني ما لحقت اصور صورة عدله .. زوجة اخوي شلت الصحن وبدت تاكل من اليووع
>>> ع فكره هي طباخه مرتبة اولى ولما ذاقت الاكل انهبلت قالتلي ارجوج مره ثانية لا تطبخين والا بزيد عشرة كيلووو^^
واشكر حبيبتي انفاسـﮱگ دخـﮱون على الوصفه اللذيذه
بالعاااااااافيه عليكم
في حفظ الله
...